కావాలనుకున్నాను
 కావాలనుకున్నాను "ఉలిని"
      వికృతరూపాలతో నున్న ఈ ప్రపంచాన్ని అందంగా మలచాలని
కావాలనుకున్నాను "కలిమిని"
      మనుషులందరిలో సమభావం పెంచడానికి
కావాలనుకున్నాను జనులందరి "గళాన్ని"
      అన్యాయాలను అడ్డుకోండని ఎలుగెత్తి అరవడానికి
కావాలనుకున్నాను "చెలిమిని"
      సమాజంలో సహోదరత్వాన్ని పెంచడానికి
కావాలనుకున్నాను "మంచిని "
      ప్రతి మనిషిలో పుట్టుకతో విస్తరించాలని
మరి
ఎన్ని కావాలనుకున్నా ఏమీ కాలేకపోతున్నాను
ఎందుకని?
నన్ను జన్మించనివ్వకుండా ప్రతి మనిషి
చంపుతున్నారు మరి
నేనెలా జన్మనెత్తను?